ala suli

ala suli li wile e sona mi.
mi weka tan ma laso pona.
mi taso a lon poki lete ni.

mi lon poka pi sike kon suli.
mi awen e nasin mi tan ona.
ala suli li wile e wawa mi.

mi lape lon tomo mi lili.
mi kute e kalama nasa lon poka.
taso mi taso lon poki lete ni…

mi alasa e tan pi kalama ni.
ilo nasin li ante tawa sike kon a!
ala suli li wile e poki mi.

mi pona sin e ilo nasin.
taso, seme li ante e ona?
mi taso lon poki lete ni.

mi lukin lon kiwen lukin mi.
ijo li pakala e ona.
ala suli li wile e mi.
mi taso ala lon poki lete ni.

lupa lukin la mun lili mute en sike suli pi kon laso li lon. kiwen pi lupa lukin li pakala. kon loje li kama tan poki kon pakala. lipu suno li toki e ni: kon li weka. o pini e pakala. ijo li lon selo. o weka e ona.
sitelen tan kulupu lintukamakaki